” دي ليالي ” للشاعرة : فاطمة السيد _ مصر

دي ليالي هنيه وتسابيح
بتعدي قوام زي الريح
أرواحنا عليها بتصبح
ومساها الذكر وتراويح
م العام للعام نستناهــــا
تعشقها الروح وبتهواها
الزينه نعلق في دروبها
وبشوق علي شــــــــوق
من مســا لشـــــــــروق
روايحها تهل ونجواهــا
تتلم العيله ولاد وبنـــــات
من ايدك خد من ايدك هات
ويعدي الوقت علينـــا أوام
بتسالي النقل وحلويــــات
وينور بيتنا وبيت خالــــي
والجار والجاره اللي قبالي
الباب مفتوح ادام البـــاب
والكل حبيب والكل احباب
وسحور بالبركه وخير موفور
دعوات من القلب تملي نقول
والفجــر يطل وبنصلــــــي
طايعين ربنا وحبيبنا رســول
نرفع ف ايدينـــا وبنكبـــــر
وأملنا الجنه يارب ننــــول
دي ليالي هنيه وتسابيــــح
بتعدي قوام زي الريــــــح
أرواحنا عليها بتصبـــــــح
ومساها الذكر وتروايـــــح

admin

See author's posts