“الدنيا غابة ” للشاعر : نصـــر فــــؤاد _ مصر

الدنيا .. غابة

كنت طيب مش أناني
وكنت طالب ودهم
خلوا قلبي حد تاني
وبصراحة كرهتهم
بالفلوس ولا المباني
بالكره باعوا حبهم
مش هالين وأحن تاني
ولا قلبي عاوز حضنهم
******************
هي دنيا ولا غابة
ناسها أقوى م الوحوش
يقتلوا فيها الغلابة
وع الخيانة مايندموش
دوول تعالب أو ديابة
م الغدر دايماً مايتوبوش
واللي عاشر يوم ديابة
ع المحبة ما تسألوش
******************
اللي منك راح يخونك
مهما كان لك يوم قريب
حتى لو شيلته ف عيونك
سهمه لازم يوم يصيب
واللي قلت في يوم يصونك
وافتكرت انه حبيب
زاد في همك وف جنونك
غدره أقوي م الغريب
*****************
هي دنيا ولا غابة
ناسها أقوى م الوحوش
يقتلوا فيها الغلابة
وع الخيانة مايندموش
دوول تعالب أو ديابة
م الغدر دايماً مايتوبوش
واللي عاشر يوم ديابة
ع المحبة ما تسألوش
*****************
ياللي شايلين هم بكرة
بكرة جاي ما تقلقوش
ياللي كانت بينا عِشرة
بعتوا ليه ولا تشتروش
كل واحد واخدله نمرة
مكتوباله ماتزعلوش
وتبقوا للحياة دي عبرة
ومن عذابي ما تهربوش
*****************
هي دنيا ولا غابة
ناسها أقوى م الوحوش
يقتلوا فيها الغلابة
وع الخيانة مايندموش
دوول تعالب أو ديابة
م الغدر دايماً مايتوبوش
واللي عاشر يوم ديابة
ع المحبة ما تسألوش
*****************
قسما بربي واللي سوى
كل البشر على شكلهم
لآخد بتاري م اللي سوى
فيا الألم على قدهم
واخلي هم العذاب ده أقوى
م الجبال على قلبهم
واطفي ناري وابقى أقوى
م الزمان وغدرهم
*****************
هي دنيا ولا غابة
ناسها أقوى م الوحوش
يقتلوا فيها الغلابة
وع الخيانة مايندموش
دوول تعالب أو ديابة
م الغدر دايماً مايتوبوش
واللي عاشر يوم ديابة
ع المحبة ما تسألوش
*****************

admin

See author's posts