” شهيد في الجنة ” للشاعرة : شرين الدماطي _ مصر

شهيد في الجنة

و شلت الهم
دفنت القلب جوا القلب
حبست الدمع ف عيوني
وجرح الروح بينزف دم
و شوفتك جثة قدامي
و كنت أتمني يطلع حلم
ومين غيرك يواسيني على وجعي
وكيف أنسى طلبك مني
يا أمي إدعي
يا ولدي دعيت
لكن ربك شديد العلم
وبتبشرني بمقامك
بضحكة منورة وشك
حبيبي الجنة قدامك
ودا ظاهر على وشك
رصاص الغدر لو صابك
طريق الجنة مفروشلك
واْنا موجوعة لفراقك
وصوتك وإنت تتطمن
وتخبيطك علي بابي
يا أمي الفجر هيأذن
ياقلبي انا واقفة ف الجامع
بصلي عليك
و عارفة إنك اكيد سامع
دعائي ليك
حبيبي الزفة مليانة
و ملايكة شايلة و يانا
جثامين شهدا و ياك
و حاسة الفرحة مش سيعاك
و اقول لك ايه
ياواخد قلبي من جوا
تملي بخير
و بتطمني علي حالك ف أحلامي
و تفضل بردو قدامي
و أشوفك صبح ويا الليل
ف وش صحابك الأبطال
ف عز الشمس حمينا
ونص الليل
تعيش بلدي كدا حرة
مدام فيها رجال بضمير
تعيش بلدي كدا حرة
مدام فيها رجال بضمير

admin

See author's posts