إتعودنا عليك بأمانه
ياللي عنييك ماشيه وفايتانا
ليل الغربه وويلها الٱسي
سيبك منه تعالا حدانا
إتعودنا عليك ويانا
بعد سلامك ويا كلامك
يوم ودعت القلب وماشي
رمشي ندالك سابني وجالك
خاصم عيني مابيزورهاشي
روحي فاتتني يومها سابتني
عملت غضبه كمان وحكايه
وأما حاولت أصالح فيها
أجري وراها وأروح أراضيها
وسط الناس تاهت وشريده
وأنا من غيرها لقيتني وحيده
حتي العيد لو جه يوم زارني
حيرتي تصاحب وجدي ليلاتي
وأنام وأصحي حزين مهموم
وآدي من غيرك هي حياتي
إتعودنا عليك بأمانه
ياللي عنييك مننا وخدانا
وإن دنيتنا فين ودتنا
سيبك منها تعالا حدانا
إتعودنا عليك ويانا
إتعودنا وماتسبناش
مهما عيون تانيه يشاغلوك
ده أنت حبيبي وروحي وقلبي
زينا مين كده هايحبوك؟
إتعودنا عليك ويانا
More Stories
انا لا اخاف ” للشاعرة : تغريد نديم عمران _ سوريا
أن أحبك ” للشاعرة : رود مرزوق _ سوريا
صَبَاحُ الحُبِّ ” للشاعرة : وردة بوعفار _ الجزائر