13 أبريل، 2024

” هناخد إيه منها ” للأديبة فاطمة عمار _ مصر

فاطمة

هناخد إيه منها
ماشين وسايبنها
دنيا ومش هتدوم
وإن عدى علينا اليوم
بكرة ماهنكونش فيها
مهما يطول العمر
كل السنين بتمر
عملك خير أو شر
حتشيله فى آخرها
رب الحساب موجود
صبره مالوهش حدود
إلحق نفسك وتوب
عن كل معاصيها
طبطب بإيدك ع اليتيم
إحسن بمالك ع الفقير
ده الملك له ربك كريم
يحفظ قلوبنا ويهديها
يابن أدم مستنى إيه
ده ستر ربنا عايشين بيه
يلا إحمده ع اللى أنت فيه
وقول يارب
إرحم نفسى ونجيها