” خداع ” للشاعرة : عبير عبد التواب _ مصر

” خداع

كل شئ مابقاش حقيـــقي
كل شئ كدب وخــــــداع
كل واحد شاف حقيقـــــته
ماضي مدفون في الصراع
واللي عاش فينــــــا يادوب
كان رماد من نــــار وداع

كل شئ مابقاش حقيقي
كل شئ كدب وخداع
إنهارده وحلم بكـــــــــــره
بنساويها بالضــــــــــياع
وأنت جاي تقول ياحـــــلو
عيش فريسه تموت شجاع
قولي أصرخ والا اسكــــت
والا عرضي خلاص مشاع

كل شئ مابقاش حقيقي
كل شئ كدب وخداع
إبتدي المشوار معــــــــانا
وأحنا فاردين الشـــــــراع
كان باقيلنا ضمير وعـــانا
وأنطوى في لقمة ضبــــاع
ياللا عادي وقول ياهادي
مين هايلبس القنــــــــــاع

كل شئ مابقاش حقيقي
كل شئ كدب وخداع
والا فاكر راح هاتـــــاكل
من طبق ويا الســـــــباع
هي رفه وطبله زفــــــــه
وإفتكرناها شــــــــــــعاع
مش هاتبقي غير مــحطه
يعني راعي من الِرعِـــاع

كل شئ مابقاش حقيقي
كل شئ كدب وخداع
يامرار العُـــمر مــــــــُر
زود الجياع جيـــــــــاع
كل واحد له حكـــــــايه
وفي النهايه الكل بـــاع
واللي عدى وبينـــا فات
خد على الإنسان متاع

كل شئ مابقاش حقيقي
كل شئ كدب وخداع

admin

See author's posts