اعتزلت الشعر حبه
بس مش حابه إعتزالى
أصل روح الشعر فيّ
معني سارح ف الليالي
جوه ريحة قافية شاردة
وزنها زاد انشغالى
اعترفت وجيت عليا
هو ليه بقي مش مسامح
والمعاني الحلوة بينا
ضي فارد.. فكر سارح
والبعيد قلبه معاندني
كل دا وبردك بصالح
اعتزلت الدنيا لجله
واعتزلني ومش بأيدي
قاعده ليل ونهار بحيله
أصله نبض وروح وريدي
طلبة جلسة صلح بينا
تبقي م اللحظة دي عيدي
More Stories
ما تُبقيه السُّنون” للشاعرة : ندى عبد الله _ مصر
كانت بيننا حمامة ” للشاعرة : داليا رأفت _ مصر
كيف ” للشاعرة : آسيا حملاوي _ الجزائر