ستنى متهزرش
فاكر انى على بعدك
قال ايه انا مقدرش
ببيع انا ومخسرش
دايما على وضعى
يمكن غرور منى
ثابته على مبادئ
يمكن اكون قاسيه
وبعمل روحى ناسيه
مبحبش انا ضعفى
بدوس على شوقى
ان كنت مره سمحت
دا يبقى من زوقى
لو خطوه انت بعدت
قصدها خطوتين
من حيرتى والله تعبت
واخبى المى فين
بضحك وابان مبسوطه
جوايا مكبوته
وبدارى من نفسى
نفسى دى مين فينا
اخرجى ياروح منى
لبسانى اكمنى
جناحى كان مكسور
وسندت جنب السور
وفتحت باب مسحور
تايهه ومش شايفه
مين اللى طفى النور
نور هنا ياقمرى
غاوى تشوف سهرى
نور وخرجنى
من ساحه الاوهام
مفيهاش غير التوهه
والعيشه فى الاحلام
More Stories
الحروف ماعادت تكتبني ” للشاعرة : أسيا حملاوى _ الجزائر
لا صوت يجرح ” للشاعرة : نجلاء البهائى _ مصر
اريدك فقط ” للشاعرة : حنان احمد _ المغرب