” ياغربة ” للشاعرة : هالة العكرمى _ مصر

ياغربة
،،،
يا صابر ع البعاد
والليل غربه وسهاد
لحد ما زاد أنينك
تبكي ودمعك أهات
وتعيد في الذكريات
ومسافر بالحنين
للي شاغلك سنين
ع البعد الله يعينك
ويطمن قلب دايب
من كتر الشوق إليك
وياغربه… طريق طويل
و الخطوه بألف ميل
وزرعت الصبر يمكن
يطرح في القلب فرحه
وطرح أحزان وويل
يا نصيبي أنا راضي بيك
وده مين غير نصيبه
يا قلبي ماتهدي حبه
وطبطب على الأحبه
إدعي وربك مجيب
يحفظ ليك الحبيب

admin

See author's posts