12 أبريل، 2024

” ونتنهد ” للشاعرة : إيمان مصطفى _ مصر

إيمان

ايمان

ونتنهد
تفط حكايه جوانا
تصحى
معانى سكنانا
يجلل صمتها
المكسور
تفتح القبور بابها
تصرح كل ركابها
ولا تستنى
دور فى طبور
محطات الوجع
تضحك
وتفرش كل
خطاوينا
بيوت ف سطور
تلاقى الكلمة
ضحكايه وحزنايه
وجع.. محشور
ف حلق الذكرى
مش عارف
يروح يرجع
ومش شايف
كما الدبور
واخرتها
حزينه مروحه
لبيتها
جناح.. مبتور
تكن ف ركن
مدارى
من الماضى
اللى مش دارى
وتكتم روحها وتدارى
وتبقى نبض بذرايه
ف غيط مبدور
ونرجع تانى نتنهد