عقد قران
***************
فى عقد قران … ما بين الفرحة والأحزان
بكا وزغاريد
بدمعة أم فرحانة نزفّ شهيد
وأب وجرح قلبه سعيد
وليلة قهر صبحت عيد
وشرباتها بلون الدم
عشان يفرح ولاد العم
عريس ميت لكن عايش
وروحه دبلة وغوايش
ومتكفن بعزم حديد
وترنيمة غنا وتنهيد
عروسته زادوا خطابها
آهم واقفين على بابها
ومين فيهم عليه الدور ؟!!!!!!!!!!!!!
فيدفع مهر بنت الحور
فأمّه تبل شرباتها
تدوب ضحكتها ف عياطها
ويوم تانى بعُرس جديد
ويوم تالت … ويوم رابع
وأيامنا تمر ما بين
بكا وزغاريد
غنا وتنهيد
وكل شهيد
بيطرح قبره ألف وليد
More Stories
يوم وفاتك ” للشاعرة : صباح سعد _ مصر
ء أقوم سيدتى ” للشاعر : خالد علي عجيل
قلت ” للشاعرة : منى إبراهيم _ مصر