غمضة عين ” للقاصة: فاطمة محمد

في جمله قريتها قبل كده ووقفت عندها جدا انه الخيال ساعات بيكون اسوء من الواقع
وعشان كده اما يكون في حدث كبير بيحصل ما تغمضيش عينك خليك مفتح وشوفه للاخر
لانه اللي خيالك حيصوره ليك اصعب من الواقع بكتير وللاسف حتفضل الصوره اللي أنت استبدلتها بالواقع هي اللي في عقلك وهي الاكثر الما ليك

ولاقيت انه في حياتنا حاجات كتير متشابها ساعات مثلا مش بنحب نسال اقرب الناس لينا سؤال ⁉️رغم انه طبيعي نساله خوفا انه ده يبقي تدخل او خوف من الاحساس بالتقل عليه
وساعتها بندي الافكار والاحتمالات حقها في الظهور وفجأه تلاقي واحد جواك بتاع احتمالات والتاني بتاع رهانات
وتفضل تتوقع وتراهن علي توقعك طيب ليه السحله ما تسال وترتاح
لكن ليه لازم تجرب شعور التوهان

الخيال قادر يدمر الحقيقه ويخليها مبهمه ومحيره وساعات توصلك لمرحله الضلال
وخصوصا انه ساعات بيكون خيال عيان ومريض مش الخيال بتاع الدنيا ربيع والفلوس اللي لاقيتها وبقيت مليونير
لا ده من الخيال ابو وجع القلب والذي من
احسن ساعتها تفتح عينك وتشوف الواقع وتدور علي حل المشكله او تتعايش معها وتأقلم نفسك علي وجودها وما تغمضيش عينك غير عشان تنام او تتخيل حاجه حلوه تعيد ليومك بهجته ولقلبك سكنته ده في غمضه عين ربك قادر يغير من حال لاحسن حال

admin

See author's posts