” يوم واحد ” للشاعر : احمد صبري _ ،مصر

يوم واحد
احمد صبري
–
في يوم واحد
من الدنيا بنتاخد
يقرب حلمنا منا
ونتواعد ونتعاهد
إحساس خلانا بجد
روحنا لبعض بتتشد
حب ماحبوش حد
ولا يوم هنتباعد
بيتولد الحنان يكبر
وكل مافينا يتغير
ونسعد بعض ونعطر
يوم على حبنا شاهد
في يوم واحد
شيء جميل لما الغيوم
يملاها نور
واللي كان م المستحيل
يصبح مجاب
قلبي كان من الهموم
حزين مكسور
وقلبها كان ليل طويل
مافتحش باب
وفضلت هي حيرانة
وفضلت عيني سهرانة
ونمنا صحينا جوانا
حنين من قلبنا واخد
في يوم واحد
حكاية في الاْحلام
حصلت وعيشناها
وكاْن كان مكتوب
نعيش اْجمل غرام
وحياتنا نلقاها
زي العسل وندوب
يا ليالي البعد إجري
يا زمان إجمعني بيها
قلبي مفتوح وصدري
محتاج تضمه ليها
مشتاق نظرة لؤاها
محتاج إحساس دفاها
واْعيش حياتي معاها
لو حتى يوم واحد
في يوم واحد
الفنان

admin

See author's posts