“من بعد الأمهات” للأديبة : فاطمة عمار _ مصر

من بعد الأمهات
لا تلاقى حد يحبك
ولا يشترى خاطرك
ولاحتى بجوز جنيهات
من بعد الأمهات
تلاقى نفسك وحيد
يتيم وفكرك شريد
والكل عنك بعيد
مش بس ف المسافات
من بعد الأمهات
لاتلاقى لقمة هنية
ولا طبطبة وحنية
ولا دعوة ساعة صبحية
تحمينا م الأزمات
من بعد الأمهات
إعتمد على نفسك
إدعى دايما لربك
إن غلطت يغفر ذنبك
ويقبل الدعوات
من بعد الأمهات
صلى وإدعى لربنا
يغفرلهم ويغفرلنا
يفرحوا بدعوة مننا
ياما دعولنا ف الصلوات

admin

See author's posts