مامحبه الا بعد عداوه ” للشاعر : محمد شبار _ مصر.

مامحبه الا بعد عداوه
مثل صحيح يتقال.
أصل المحبه ياعيني
ما تتوزن بالمال.
خليك موارب قلبك
ما تقفلو بقفال.
خليك دايما مسامح
عزه وكمال ونهال.
أوعك تقولي ياسيدي
دا شئ وأمرو محال.
سامعك بودني بتهمس
فيه يضرب بنعال.
دا طبعو مهما عملت
وتنتهي الآجال.
وان يوم ياروحي سمحت
تلاقيه خصام وجدال.
دي ناس قلوبهم قاسيه
جرو وحمير وبغال.
عاوز ترضي ضميرك
وهوه سفيه وشمال.
وان سوقت عليه الدنيا
عمه وحبيب وجمال.
دماغه تملي ناشف
مايهمه أي وصال.
يا سيدي سامح أخوك
يابني الامور لزوال.
باجح خصامو عنيد
ويضرب بنعال.
مامحبه الا بعد عداوه
مثل صحيح يتقال.

دا دايما أمير و مسامح
سلمي وسليم وبلال.
قلبو جميل وقريب
خلقه لذيذ و دلال.
العيب مايطلع منه
وصبره كبير وجبال.
شكله رزين وعاقل
يشبه نجوم وهلال.
روحو بين الخلايق
أحسن طباع وخصال.
مامحبه الا بعد عداوه
مثل صحيح يتقال.

الدنيا ياسيدي فانيه
عشتنا فيها بأمال.
اه ياعيني علينا
دي كل ساعه ف حال.
بصراحه قولي الراحه
دا أمر فيها محال.
ارمي حمولك علله
اكسر قفول وغلال
خليك تملي مسالم
اياك تقطع رحم
وحبال.
لك رب شايفك وعارف
القصه والموال
قدره جميل وعالم
وكرمه فوق الخيال.
وحاسب نفسك تملي
واصبر ع البعيد يتنال
خليك مع ربنا وان عولت
حزمه فلوس وعيال
دا الرب دايما كريم
يغنينا من غير السؤال.
مامحبه الا بعد عداوه
مثل صحيح يتقال.

admin

See author's posts