اكييد مصر بينا او من غيرنا
مصر تعاقبت عليها اجيال
كتيرة غيرنا
ولازم كلنا نضع ايدينا فى ايدين
بعضنا عشان نعبر ببلدنا
لكن اصبحنا فى حالة عجز تام
بعد م خلصوا على كل مواردنا
الاقتصادية
الفات وراء الفات ضاعت عشان
النور والمية
وناس باعت دهبها عشان تعمل
لاولادها عملية جراحية
وناس جعانة مش عارفة تاكل
حتى الفول والطعمية
اوك صديقى الفاضل ايدينا
معاك واولادنا فى عز البرد
مرمية
وبيشحتوا لناس تانية لحاف
وبطانية
عشان يحموهم من البرد القاتل
واتحرموا من ابسط حقوقهم
الانسانية
حلة كشرى ، حلة عدس حلة
محشى او حتى فول وطعمية
تدفيهم ومنيييين يجبوها
بعد ما باعوا حكامنا السلطانية
ماشى خلاص يا صاااحبى معروف
عنى انى طووول عمرى وطنية
وكنت الكاتبة الاولى السيساوية
ياكل طوائف الشعب الميتة من
الجوع والبرد وحالتهم مذرية
اقفوا بجوار بلدكم وصفوا اخر
نقطة دم فى اجسادكم من اجل
الوطنية ،
عشان فلوس البلد اتبنى بيها
العاصمة الادارية
وعماير على الصفيين سكنوها
للبلطجية
يعنى اخدوا من الموظف الغلبان
المهدود صبح وعشية
واعطوة لشوية شمامين وخمورجية
لكن ربنا ينجية ويخرجية من المحنة
دية
وينقذة وينجية بحسن النية
ولتحيا ولتحيا مصر ام الامة العربية
More Stories
أسرَارُ الضِّفافِ ” للشاعر : محمد علي حسين البليبل _ سوريا
ﺃﺣﺒﺒﺘـــﻚ ﺑﺼــﺪق ” للشاعرة : إيمان الديب _ مصر
نَوارسٌ حالمةٌ ” للشاعرة : نهى حسين الغزي _ العراق