“فتافيت عشق” للشاعرة : سوسن رمضان _ مصر

فتافيت عشق

كل الكلام يبتدي… ب.. أما بعد
وانا كان فراقي بينتهي
بعد كل قرار ب بُعد ..

كل الحاجات الحلوة
عمرها قصير
وازاي بحبك من قديم الازل …

كل الحاجات ف الدنيا
بتتولد..بعدين تموت
إلا انا ..
انا موت فيك
قبل حتي ما يتولد حبك ف قلبي
بعد نظرة وكلمتين ..

كل البشر تعشق بشر
وانا قلبي كان يعشق ملاك
انسان ويشبه للقمر

كل الأماكن
مهما كانت وسعها بتضيق عليا
إلا حضنك..
دايما بيوسع كل ما تقربني ليك
يوسع بحجم الكون حنان
حضنك حيااااه ..
حضنك امااان

admin

See author's posts