ثقافة

كام مرة ” للشاعرة : عزه السيد _ مصر

ارشيف

كام مرة سمعتي الجملة دي
أنا آسف جدا يا حياتي
معلش وسامحي وضميني
واعتبري إن أنا عيل غلطان
كام مره سامحتي ورضيتي
ورجع قلبك موجوع متهان
كام مره قالولك دا الراجل
والراجل ليكي سند وضمان
كام مره اتهانتي وعديتي
جمعتي بواقي إحساس دبلان
كام مره كرامتك بين كفه
إتفرمت ويقول مش غلطان
كام مره سمعتي الكلمه دي
والقلب النار وكلاه وعادي
وتباتي الليل جرحك ينزف
وإن قلتي طلاق هأذي ولادي
طب هعمل إيه وانا مقتوله؟؟
والسقف بينتع من دمعي
لو كنت صحيح ليا إراده
كنت أبعد مش هشكي ف همي
بتخبي الحزن ورا الضحكه
وف ضحكه دمعك بتغمي
طب هشكي لمين أو أستأنف
َوالحكم ذكوري ومتفلسف
الكل بيهتف مش حقك
والمفروض لجنابه أسمي
في الاخر بسكت من غلبي
ودموعي بمسحها في كمي