ثقافة

بس تحب ” للشاعرة : سناء شجاع _ لبنان

سناء شجاع

بس تحب ما تخبّر حدا
حتى ضلعك هالغامر حدا
هل عايش مع هدا
مع صدى
ما تخبر حدا
قلّن أنا مشغول
وحياة عجقتي
وعجقة صبح ومدى
وصراحة ما عندي وقت
تَ حِب
ت بدقّة قلبي شِك
وحالي مش مع حالي
ت كون هالحدا ولَ حدا
قلّن أنا مع وقت
ولَ وقت
وعن وقت معزول
وما في بحياتي حدا
حلوف ازا بتقدر
قلّن وحياة عيوني ونورن
هلّي بالعتم مجبول
قلّن وحياة قلب ما إلو قلب
قلّن وحياة كل بوسة
بعداع كِرسة خَد
بعدا ع جنب الخد
وبعدا بين المزح والجد
لحد هالوقت بتقول
غيمة بسَما مرقت
وحبّت حنين تزور
قلّن تَ حِبّ..والحكي ما يطول
بدي جسر من ورد
مطرّز بنِتفِة وِد
لقلبي أنا موصول
ما تخبّر حدا…