“مشغولة عني بإيه” للشاعرة : سعادالزامك

مشغولة عني بإيه
**************
يا دمعة سايلة
من عيون القهر
تجري كده علاولة
فوق خدود العمر
شايلة كابوس ما انزاح
بيمر يوم ورا شهر
يا أم الجدايل
صبرك ماله آخر
على ظلم اللي عداكي
بارك … ما يتاخر
يا أم العيون السود
قدك جميل ممدود
يا مليحة الجود
نهرك بيجري
بين شطوط و شطوط
شط حُزن و شط قهر
شط فرح و شط صبر
و شط دايم
من ربيع الدهر
تِبرك منور
ضيه ف سماكي
لا تقولي شمس و قمر
ربي اللي حلاكي
مشغولة عني بإيه ؟
يمكن بحلم
في بكرة لسه جاي
و إلا بربيع
من جماله ماله زاي
و إلا بوعود و وعود
نفسه بضيه
ينور طريقك المفقود
و يغسل جدايل صبر
على عشق ماله حدود

admin

See author's posts