اعترافات زوجة عن العشق الحرام : خنت زوجي 30 يوم .. ولما عرف ساومني على الطلاق

وجاءت أقوال المتهمة آية.ف، أمام المستشار أحمد حنفي المحامي العام كالآتي.

س.. ما تفصيلات اعترافك

ج.. “اللي حصل ان انا متزوجة من سامح فتحي من شهر 6/ 2007، وساعتها كان عندي 15 سنه ونص وانا مكنتش موافقة على الجوازة علشان هو كان اكبر مني بـ 16 سنه بس لان والدتي تبقى بنت خالة والدته ، وأمي ضغطت عليا وكانت بتضربني علشان اتجوزه وفعلا اتجوزته غصب عني وكان فيه دايما مشاكل بنا علشان فرق السن وبعد ما والدتي اتوفت علاقتي به ساءت لان والدتي كانت سند ليا.

وتابعت المتهمة: “جوزي كان بيعرف عليا ستات وأنا كنت بسيب البيت وبمشي بروح عند ابويا وكنت عايزة اطلق بس ابويا واخواتي بيقولوا استحملي مرت أيام وليالي وربنا كرمني بطفلة “مريم” عندها سنتين ونص هو بدأ يعرف ستات كتير وانا نفسي شالت منه ومش قادرة أعيش معاه”.

واستطردت المتهمة في أقوالها، “ذهبت الي شقة بنت خالي كنت اجلس معها وبعد مرور ساعه وجدها تتحدث مع احد الشباب يدعى “محمد عصفورة” هنا قالتلي تعالي نتصل بـ عصفورة من رقم تاني ونشتغله ونهزر معاه وفضلنا نكلمه لمدة أسبوعين من غير ما يعرف اسمي، وبعدها عرفت انه كان في علاقة جنسية بين عصفورة وبنت خالي.

وأكدت المتهمة في أمر الإحالة،”بعد كام أسبوع من كلامي مع عصفورة في التليفون بدا يعرف اسمي في تلك الوقت كانت علاقتي بزوجي وحشه وطلبت منه الطلاق علشان كانت نفسي شايله منه هنا فوجئت بزوجي بيكتفني ونام معايا غصب عني فانا اتخانقت معاه وقولت مش هقعد في البيت تاني وروحت لبابا قعدت عنده حوالي شهر وبعدها لقيت إخواتي بيفتحوا الموضوع اني ارجع لجوزي وانا قولتلهم مش هارجع وهما صمموا ورجعوني البيت وفي الفترة دي كان في كلام بيني وبين عصفورة على التليفون ومكنتش قابلته غير مره واحده في الشارع .

وأوضحت المتهمة،” لما جوزي كتفني ونام معايا غصب عني ذهبت الي والدي واخبرته على اللي حصل وقال لي: هروح مشوار وارجع اتكلم معاكي”، وتابعت المتهمة: لما رجع والدي متكلمش معايا في حاجه ورجعني لجوزي، هنا انتابتني حالة من الغضب لم اشعر بنفسي إلا وانا بمسك هاتفي المحمول واقوم بالاتصال بعصفورة علشان يشوفلي شقة اقعد فيها، مر يوم تلو الاخر وتركت بيت زوجي وذهبت بصحبة اطفالي لأقطن في احدى الشقق بمنطقة المرج واتفقت مع عصفورة ان هو اللي هيدفع الإيجار.

وتابعت “قفلت تليفوني وفتحته يومها باليل وجد اخواتي بيتصلوا بيا بيسالوني انتي فين قولتلهم اني اخدت شقة وهقعد فيها انا وولادي حاول اخواتي ان اعود الي المنزل ولكني رفضت ذلك.

وأكدت المتهمة، فضلت قاعدة في الشقة انا وولادي بصحبة عصفورة وكان بيبات معايا كل يوم في غرفة النوم على السرير وكان بينام معايا في اليوم مرتين على هذا الحال لمدة شهر، وبعدها حصلت مشكله بيني وبين عشيقي بسبب اني كنت عايزة اشتغل في مصنع بس هو مرضيش وساعتها قولتله انا همشي واتصلت بـ بابا وقولتله انا هارجع اقعد معاك في الشقة، قالي تعالي وانا هقف جنبك، وبعدها بيومين نزلت اشتغلت في مصنع جنب البيت مرت الأيام وجوزي اتصل بي وقالي ارجعي وانا موافقتش وبعدها بأسبوع وجد عشيقي “عصفورة” بيكلمني في تلك الوقت انا كنت قاعده عند ابويا ومحدش يعرف اني بتكلم مع عشيقي حتى اختمرت الفكرة في ذهننا ان نتخلص من زوجي لكي يخلو لنا الجو.

وأضافت المتهمة في اقوالها،” جوزي عرف اني بتكلم مع احد الشباب فساومني على الطلاق مقابل التنازل عن حقوقي.

بداية اكتشاف الجريمة عندما تبلغ لقسم شرطة السلام أول من الأهالي بالعثور على جثة شخص بمنطقة مساكن الصعيد أ ـ طريق بلبيس ـ دائرة القسم ، بالانتقال والفحص عثر على جثة المدعو سامح ف م م 44 سنة سمسار عقارات ومقيم بلوك 4  مساكن الصعيد أ ـ دائرة القسم “يرتدي ملابسه كاملة” ولا توجد بها ثمة إصابات ظاهرية، وعُثر بحوزته على كافة متعلقاته، وبسؤال شقيق المتوفي المدعو تامر ف م م  38 سنة حداد ومقيم بذات العنوان لم يتهم أو يشتبه في وفاة شقيقه جنائيًا.

بتوقيع الكشف الطبي على جثة المتوفي بمعرفة مفتش الصحة ورد تقريره يفيد بأن الوفاة نتيجة هبوط حاد بالدورة الدموية أثر تعاطي جرعة زائدة من المواد المخدرة وعدم وجود شبهة جنائية بالوفاة وتحرر عن ذلك المحضر إداري القسم.

بإجراء التحريات وجمع المعلومات أمكن التوصل إلى أن زوجة المتوفى ربة منزل ومقيمة بذات العنوان، ترتبط بعلاقة بأحد الأشخاص ويدعى محمد ع، وشهرته عصفورة وأضافت التحريات بأن الزوجة سبق وأن تركت مسكن الزوجية وعادت لمسكنها مرة أخرى.

بتكثيف التحريات أمكن التوصل لوجود شبهة جنائية في الوفاة وأن وراء ارتكاب الواقعة زوجة المجني عليه بالاشتراك  مع  عشيقها، وتمكن ضباط وحدة مباحث القسم وبصحبتهم القوة المرافقة من ضبطها.

وبمواجهتها بالتحريات وتضييق الخناق عليها، اعترفت بارتكاب الواقعة بالاشتراك مع جزار ومقيم شارع  مصنع الصابون ـ الخانكة قليوبية وأقرت بأنها نظرًا لارتباطها بعلاقة مع عشيقها، ورغبتهما في الزواج خططا للتخلص من زوجها.

وفي سبيل ذلك قامت بتاريخ الواقعة بوضع عقار منوم داخل كوب شاي للمجني عليه، وعقب تناوله واستغراقه في النوم حضر عشيقها وتخلص من الجثة ، وكانت النيابة العامة قررت منذ أيام إحالة المتهمين إلي محكمة الجنايات.