اعذرينى
________
اعذرينى ..
ياللى قلبى بدق بس
عشان يحبك
ياللى عايش عمرى كله
جنب منك
اعذرينى ف بعدى عنك
ما انتى عارفه ان بعدى
مش بايدى
وانتى عارفه عشقى ليكى
زى روحى .. وزى نبضى
لما يسرى فى وريدى
غصب عنى بعدت لكن
لسه باتمنى لقاكى
لسه روحى رغم بعدى
تروح إليكى
لسه مشتاقه لنظره من عنيكى
او للمسه من ايديكى
تحيا بيها تعيش معاكى
اعذرينى ..
واذكريلى لحظه حلوه
دوبنا فيها ..
عيشنا بيها ..
سنين غرام
ومهما قولت ..
او كتبت ..
مش هلاقى كتير كلام
يوصف الشوق والحنين
اللى واصل للمدى ..
ولا راضى يهدى وستكين
اعذرينى ..
More Stories
وبجيب سيرتك ” للشاعرة : رضا هيكل _ مصر
بيسرقني ” للشاعرة : إيمان محمود _ مصر
فى يوم سالونى عنك ” للشاعرة : راوية حسن _ مصر