24 أبريل، 2024

“حسك فى الدنيا” للشاعرة : نشوى الخطيب _ مصر

ارشيف

حسك فى الدنيا
الكلمة دي فيها كلام كتيييير جدا
إحنا كلنا الوقت بقى يتسرق مننا
ومش بنعرف نشوف بعض وبنبقى محتاجين اوى نزور بعضنا ونصل الرحم
بس بجد إحنا بنتسرق وبنتوه فى اليوم
الأيام هى اللى ممشيانا مش إحنا اللى ممشينها
بجد بيبقى نفسى ازور اهلى كلهم بس للأسف بنشوف بعض فى العزاء
بيكفينا أن نقول أن فلان حسه فى الدنيا وبنكون دايما عندنا الأمل اننا هنشوف بعض ونطمن على بعض
إلى أن يفجأنا الفراق ونعرف أن خلاص الحس مش فى الدنيا
ومافيش غير الذكرى والدموع تنزل لوحدها لانها دموع الفراق العين مش هتشوف اللى حسه مبقاش فى الدنيا
بنعزى بعض وندعى لبعض بس كل من فارق حبيب له عمرنا
ما هنهون عليه وجع الفراق
الموت هو الحقيقه الوحيدة فى هذة الحياة الزائفه
وبعد ماكنت ممكن تشوف اللى حسه فى الدنيا
بعد مايفارق الحياة تستنى هو اللى يزورك فى الأحلام
اللهم اجعل حس كل اهلى واحبابى فى الدنيا وتجعل يومى قبل يومهم
وتحسن ختمنا جميعا