كل واحد فيه الهم اللى مكفيه
ليه نلوم على بعضنا
ونشيل ونوجع قلبنا
اللى إنشغل عن السؤال
الله أعلم باللى فيه
كنا بنصفىَ بكلمة عتاب
ونقول العتاب هدية الأحباب
بقينا شايلين من بعض وجع
من غير ما نعرف إيه الأسباب
وسبب غيابه عنا إيه
ماهو كل واحد فيه الهم اللى مكفيه
كنا من بعض قريبين
فى الحزن والفرح متجمعين
ونمشى عشانكم ألف ميل
لأجل عيونكم الطيبين
لما نغيب عنكم تحرمونا من سؤالكم ليه
من غير عتاب ولا ملام
ولا زعل ولا خصام
أسهل طريق نتصل
نطمن على بعض ونختم بالسلام
وربنا يحفظنا م اللى إحنا فيه
ماهو كل واحد فيه الهم اللى مكفيه
بقلم
فاطمة عمار
More Stories
اقسم لك يا امى ” للأديبة : سونى ابو العلا _ مصر
أكثَر ألأُمَّهات ” من خواطر الشاعر : جميل ابو حسين _ فلسطين
لحـاف الليـل ” للشاعر : أبو أيهم النابلسي _ سورية