29 مارس، 2024

“إلزم دارك” للشاعرة : فاطمه السيد _ مصر

فاطمة

فاطمة

إلزم دارك ليل ونهارك

خلي الأزمه تعدي بخير

ده بلدنا بتستاهل منك

وقفه بجد تكون بضمير

والفايرس شمسنا تتحدي

بيه تتعشي كمان تتغدي

فوق سرايرها تجيبله

مخده

أما خيوطها تمرجح فيه

من نواحيها هيحرم يمشي

يتلفت ف مدارها إن عدي

إلزم دارك ليل ونهارك

خلي الأزمه تعدي بخير

فكر قرر خليك واعي

من غير زحمه ومن غير

داعي

غيرنا نحب كمان ونراعي

لأجل العجله تدور والسير

إلزم دارك ليل ونهارك

خلي الأزمه تعدي بخير

لاجل نحد من الفيروس

علي نفسنا حبه وهندوس

بيينا المركب تمشي

وتوصل

علي رملها ياما خدنا

دروس

إلزم دارك ليل ونهارك

خلي الأزمه تعدي بخير

قوم نتوحد ياله وقوم

غيمه باقيلها يجي كام يوم

خلي إيمانك يهزم خوفك

وف صلواتك وبدعواتك

إذكر ربك صلى وصوم

إلزم دارك ليل ونهارك

خلي الأزمه تعدي بخير