– الرضا، باب من أبواب السعادة
– القدر إشارة مرور بتنظم حياتك وبتوجهك، يمكن تأخرك ويمكن تعطلك ويمكن تزعجك … بس الأكيد إنها بتحميك.
– الأيام رمادية، فيها الأبيض وفيها الأسود … حبها برماديتها إذا حاولت تغيرها رح تصير بلا لون.
– السند هو ربنا … كل سند بشري هو وهم، لأن ممكن يخذلك، ممكن يغيب، ممكن يموت…
– الصلاة والدعاء حديث بينك وبين ربك، لا تقطع تواصلك بالجبّار الأقرب والأحن والأبقى.
– القوة الحقيقية إنك تحافظ ع مساحة البياض يلي بقلبك، ماتسمح لقذارة الناس توسّخها ولا لسواد الأيام يشوّها.
– المبالغة مرض .. حاول تحمي حالك منها أو تخففها.
– كلما كنت مندفع بمشاعرك كلما كانت خيبتك أكبر … عقلك انخلق ليسيطر ع مشاعرك ورغباتك مو العكس!
– المبالغة بحب الوالدين هي المبالغة الوحيدة الحلوة، حبهن ورضاهن بحد ذاتو عبادة.
– الخيال مُسكّن لمّا الواقع يقسى ويوجّعك.
– الأحلام نور بآخر النفق … يمكن توصلها، يمكن تكون نار تحترق وتحرقك ويمكن تخسرها ..
بس هي الأمل يلي رح يخلّيك تستمر، تتحمّل العتمة وتتجاوز.. ????
More Stories
قلت ” للشاعرة : منى إبراهيم _ مصر
تبعثرت اوراقنا ” للشاعرة : جيهان الصياد _ مصر
اعذرينى” للشاعر : محمد عبد الشافي _ مصر