يا اخويا ليه تقسى عليا
و أنا اللى شلتك فى عنيا
فاكر زمان لما كنا عيال
كنا بنجرى يمين و شمال
الدنيا كانت مش سيعانا
والفرحة كانت حوالينا
وقمرنا كان يمشى معانا
غازل بأنواره عنينا
أيه اللى غير خطاوينا
إيه اللى بدل أمانينا
إيه اللى حول ضحكتنا
دمعة حزينة مالية عنينا
حكم الزمان الدوار
نساك تجدد خطاوينا
نساك تردد حكاوينا
و لقانا ما عاد غير صدفة
لما نقدم تهانينا ولا نردد تعازينا
وبين دموعنا وفرحتنا
نودع أحلى ما فينا
More Stories
طالت لياليها ” للشاعرة : دولت جمال _ تونس
تعرف ما هو الحب؟ ” للشاعرة : فاتن عطية _ مصر
مصرية ” للشاعرة : رضا هيكل _ مصر