“بالإيمان والصبر” للأديبة : صفية نصار _ مصر

شد حيلك
شد حيلك يا غالي
الوعد مكتوب ومتقدر
يا حزني علي إللي
راح وخوفي م الجاي اكتر
انا بدعي ليا وبدعيلك
اد الغلاوة يارب صبر
وعارفين الصبر مر
ومر الفراق اصعب
يارب هون عنه وعننا
+++++++

بالإيمان والصبر ع البلاء
اكيد هنلاقي الدواء
وإحنا قاسمين الحزن بينا سواء
حاسه بيك و بهمك اصله ضنى
بخاف ابص في عيونك
يخوني الدمع و يخونك
حبيبي كان الله في عونك
ربنا يخفف همك إللي هوه همنا
++++++++++
والله لوبعمري كنت افديه
ويرخص الغالي للغالي
حتي العمر شويه عليه
وإنت اكتر حد شايف حالي
وازي عايشه الحياه بعديه
لسه الدمع مانشف علي خدنا
+++++++++
والجرح مش عايز يطيب
أصل إللي فارق حبيبي
لاينفع فيه دواء ولاطبيب
وكأن الجرح ده من نصبيبي
اه يازمن لما سهمك يصيب
في عز النهار ياشمس بتغيبي
هاتفرق إيه الليالي
وإنت فارقت حضننا
+++++++++++
زي النهارده كان لك عيد
وكان لنا حلم واماني
تطرح الفرحه من جديد
ويتوصلك عمر تاني
بس ربك اختارك شهيد
ومانقصش من عمرك ثواني
إنت في نعيم الجنه بإذن الله اكيد
في أمان الله وصحبة محمد نبينا

admin

See author's posts