“عيش ايامك” للشاعرة : ام رحيل خالد _ مصر

عيش ايامك
وسعد بيها
قبل الحزن
مايسكن فيها
ويخليك
شايب بالفطره
و تيجى الفرحه
وتمشيها
عيش ايامك
وسعد بيها
عيش من أجل
تحقق فكره
أو تستنى العيد
من بكره
ارسم قلب
ورسم صوره
خلى الضحكه
تعيش منصوره
هات أصحابك
وسط اللمه
ارفع فعل
وكسر ضمه
خد من عمرك
لحظة جديدة
عيش ايامك
وسعد بيها
اخرج يلا
وشيل احزانك
ارمى هدوم الحزن
فى كيس
و يكون ابيض
مش الوان
ارسم ضحكه
فى قلب ميدان
ورسم ضحكه
جميله وحلوة
ارسم لحن
ارسم غنوة
اوعى تعيش
مكسور وحزين
حتى إن حظك
كان بيميل
قوله ياربى
سعيد فرحان
وانا من اليوم
راضى بقدرك
راضى بإنى
أكون إنسان
رامى تكاله
على الرحمن

admin

See author's posts