“مين قال” كلمات الشاعرة : عفاف التركى _ مصر

فيه جمال للست مش شاغلك ..
فيه دلال .. بيسوق عليك اهلك
ينفرد عودك يصبح وتد ومتين
احنا اتخلقنا من ضلع كان اعوج
والّاك نسيت الضلع جاي منين ؟
فالست منك ..لانك منّها ومنّك ..
طبطب عليها تلقاها بتئنّك
ترمي في عين شمسك عيال سنّك
تكبر وتبدر .. طرحها ..فجرين
تضحك في وش الدنيا تشرق بك
تحزن ..تلاقي الفرح برضو حزين
سيب دلالها و دلعها ..جوّه حضنك بس
بطلة ميدان.. ضهرها ف ضهرك
بايديك تبان فارس مش،اسم وبس
وكلمة ب(احبَك).. أقطفها من زهرك
مين قال كلام الست كله حروف؟
او قال دلعها .. شرط لأجل تبوح؟
او قال متاهتك ..تنتصر بالخوف؟
او قال في وجعك كل شئ مسموح؟
افتح ازازك وابتسم برّاك ..
مطرح ما ترسِي مراكبك اصنع شط
وان شطّ منك عقل كالعادة ..
شِد بجراءة الف مليون خط
وان خطّ شِعرك فلسفات روحك ..
اعزف جروحك وارتجل مغناك..
الكون بحاله شارب ف خمارتك ..
والسَطَل وارد يكون معناك
كأي انثي حين تلمسك روحها..
وفـ كل آدم .. تتخلِق جوّاك.

admin

See author's posts