ثقافة

يا قلبي ” للشاعرة :: حنان الفرون _ المغرب

حنان

ياما جولت جناين
بنفس لهّافة
و غنيت قصايد
ضاعو حروفى
بقاو غير خرافة
فتت القمر و النجوم
الولاّفة
كتبت بفتاتها
دواوين بقى غير
غلافى
يا نفسي و شحال
معفافة
تتحرق برماد الحب
تهدون ألم و وجع
ف الركاني وحدك تبلع
مرارة ليام تخلع
وخا تعيى ما تخبع
يا قلبي راك ضاربك
سيف البهتان و الخداع
يا قلبي بالي عليك
مرواع
خايفة لا تخضع
و للخرايف الراشية
عاو ثاني تركع
يا قلبي جمع الوقفة
براكة من قلة العفة
راك ماشي بهيم
كن عاقل و ل ريحة
الشياط صاقل
النار تاكل
جوفك هبهابة
طفيها بماء الصفا
رويها من بير الوفا
يا قلبي فيق من نعاسك
لا تغفى