22 أبريل، 2024

“جيت ياعيد” كلمات الاديبة : فاطمة عمار _ مصر

فاطمة

جيت ياعيد
وكنت بستنى تجينى
وشايل فرحة جايبهالى مع الزغاريد
جيت ياعيد
وزى الناس بستناك بشوق وحنين
وأمل فى لقاك
وتحقيق حلم عنى بعيد
جيت ياعيد
تزعل ناس وتسعد ناس
وأنا ماليش فى حاجة مقاس
ولا حتى فى لبس جديد
جيت ياعيد
وياما أعياد
عدت ولا مرة
خلفت معاد
وكل مرة سنين العمر تسبقنى
وتملى سنة ورا سنة العمر يزيد
جيت ياعيد
عشان تاخد سنين العمر
تعالى هاتلى حاجة تسُر
غًـير فى حلقى طعم المر
نفسى تيجى تلاقينى فى مرة سعيد
جيت ياعيد
بقلم
فاطمة عمار