ثقافة

“النهاردة عيد” كلمات الاديبة : صفية نصار _ مصر

صفية

النهاردة عيد
.انتو معايا ياحبايبي اكيد
إن النهاردة ده يوم العيد
من حقنا نفرح لنا يومين
نبعد عن الهم كفايه منه الجديد

ليه بنحب دايما نقلب في الدفاتر
مين نسي حبيبه غايب ولا حاضر
مضيعوش اليوم بكاء ع إللي راح
هما ليهم حق علينا وع البال الكل فاكر

وهما بإذن الله مرتاحين كتير عننا
مع النبيين والصديقين بين أيادي ربنا
لا بلاء ولا غلاء والحكم لله العدل
يارب عفوك وجنه ونعيم كما وعدتنا

يا ناس بلاش ضغط ع الجرح بزيادة
ولا النكد خلاص بقي عندنا عادة
د الحياه هنعيشها مره واحده
ياريت كان ليها ملحق أو إعادة

لونحب نشوف العيد ما نروح بعيد
هنشوفه في ضحكة طفل بلبس جديد
وإنت جايبله هديه وانت بتديله عيديه
وقدام عنيك ولاد وبنات إيد ماسكه إيد

شوفه من بعد الضلمه ربك خلق النور
شوف قدرته رفع السما بلا عمد شق بحور
وان مكنتش شايف بنعمة البصر كن بقلبك
بصير وشوف قدرته واسمع تسابيح الطيور

الدنيا حلوة وفيها إللي يسعدنا و يكفينا
إحنا مش شايفين ليه غير اللي يبكينا
نعم ربك كتير نحمده و نشكر فضله
علينا الحمد لله وصلي على محمد نبينا
بقلمي صفيه نصار شاعرة مصريه