اللي يحس ” للشاعرة : إيمان مصطفي _ مصر

اللي يحس بهم وضيق
ودنيا قاسه وقايده حريق ..
وتوهه بتهد المخاليق..
وارض رغم وساعها تضيق
ع الروح وينصاب بالملل..
يقوم وينفض فكر الخوف
يرجع لرب الكون ملهوف ..
دامهما شاف أو لسه بشوف..
بالله هيبقي وبالامل..
مهما حصل أو شفت ضغوط..
لو حتي جوه ف بطن الحوت
ووضع بقي أشبه بالموت
وظنك أنه لا يحتمل..
اصرخ في سرك وادعي وقول..
يسمع اله الكون علي طول ..
علي قد ظنك به هتنول ..
بنفك كربك بالعجل
يتبدل الحال والاحول
والاشية معدن عال العال
وتعيش في ريح الله منشال
علي الكفوف خالي العلل

admin

See author's posts