اسمع كدا فى صوت بينادي
صوت مش عادي
هز كياني ونبض فؤادي
شايفة الصوت بيعدي قصادي
وبنبراته يبص ف عيني
بيخليني اتوه فى المعنى
اجري عليه واقول له اشمعنى
سايب كل الخلق وجتني ؟؟
ليه خلتني مسامع روحك ؟؟
ليه تحملني مآسي جروحك ؟؟
قال لي اخترتك تبقي رسالتي
انتي سألتي
انتي سألتي وعندي جوابك
انا بختار صوتك وشبابك
انا بختار الحرف الكامن جوا كتابك
روحك ..همسك ..اسمك ..رسمك
بكرا الأمل المسقي بشمسك
ايوا انا صوت الحق الحالم
إن العالم يبقى مسالم
ربى الواحد هو العالم
اني ناديت على كل الدنيا
كل عوالم رب الناس
صدق النفس وصدق الروح
صدق الكلمة وتر حساس
والإخلاص من رحم الرحمة
نور وميلاده نجاة وخلاص
More Stories
السيد التركى يكتب سوق تفاهم
يستيقظُ في مفاصلِ الحجرِ ” للشاعرة : لُجين الغصن _ سوريا
قميص الكبرياء ” للشاعرة : هناء عباس العباس _ سوريا