” هو اخويا ” للشاعرة : فاطمة منصور _ مصر

هو أخويا أبن أمي أبن أبويا
ياما سهرنا وياما لعبنا سوا
ياما ذكرنا واختلفنا مع بعضنا
وصتني أمي كتير عليه اوعي اخوكي يبعد عنك يشرد منك ما تلاجيه
أوعي فى يوم تنسي تسألي وتطمني عليه
أخوكي ده من دمك هو سترك
هو زادك هو اللي تميلي عليه
لو فى يوم فرق الزمن بينك وبينه أوعي تطوعي الزمان شدي حيلك واتلاجيه
هو بعد الاخ مين راح يسندك اويسعدك
هيكون أبوكي بعد أبوكي مايرحل عنك
وانتي أمه لما اكون بين أيادي ربنا
هتكوني فرحه وهو سندك خافي عليه
مد ايدك واسنديه فرحيه هو كمان هيكون معاك فى كل لحظه وكل فرحه
ايدك فى ايده هتقويه وتقوي بيه وانت بردو هتسعديه
لو تعب أنت عمرك ما تسبيه
ديما معاه واقفه وراه تسنديه ديمآ بتدعي ربنا انه يشيل عنه المرض قادر وهي حكمته
نرضى بها ونصبر عالمكتوب نأجر عليه
هو اخويا هو أبويا هو قلبي هو عمري يارب ما تحرمني منه وبارك فيه.

admin

See author's posts