” وصية مسافر ” للشاعرة : وفاء يوسف _ مصر

عاهديني يا حته مني
يوم ما يدق الخريف بابي
وأهلي يملو مني
يوم ما يفوتوني يفتوني
و ينحني ظلي
يوم م توه مني المعاني
و اتأتأ ف الكلام
يوم م تموت فيا الأماني
وانسى الزمان و المكان
يوم ما تئن الحياة
و يضيع مني رسمي
يوم تضعف خطوتي
ويبقى خلي يدوب إسمي
إجبري خاطري وتعالي
خليكي عيوني و ظلي،،،،،،،،
طبطبي ع قلبي اللي حبك
وارحمي ضعفي وذلي
ارحمي القلب اللي شالك
وكانلك ف عز البرد شالك
افتحي بيت الذكريات
واقري قلبي اللي فيه
لما كنتي بتكبري قدام عنيه
كل سنتي كنتي بتكبريه
كان بيحول ضعفي لقوة
ويوم ما كانت حروف يا ماما بتناديه
كان يجري عليكي وبحنانه يضمك
يفرشلك أحلى ابتسامة
تمحي أحزانك و همك ،،،،،
كان يوصفك من نظرة عنيكي،،،،،،،،،،
و يعرف إيه اللي بيكي
من قبل حتى ما تقوليه
أول من علمك معنى الحياة
بالرغم من كل الحزن اللي فيه
كان يفرح قوي،،،،،
يقوى قوي،،،،
يوم ما حلمك يبتسم
وكأن كل الضعف اللي فيا
بيكو يا حته مني بيتهزم

admin

See author's posts