” للحق بعلن خضوعي ” للأديبة : صفية نصار _ مصر

وحشتيني وحشتيني
مش دي الكلمه اللي
توصفلك حنيني
الكلمة إللي تعبر عن
مشاعري
ولااتقالت لسه في
اي غنوة
ولاعبر عنها شاعر بحرف
ولاكل قصايد شعري
ولا اي كتاب في دواويني
وحشتيني وحشتيني
ياحضن ملوش ابدا بديل
ولافي الدفى و الحنان
نلقى له مثيل
ياحب نابع من القلب للقلب
واي حب بعدك كله تمثيل
حبك صادق واحلف
بربي وديني
وحشتيني وحشتيني
حبك تملي ربيع اخضر
ونبع صافي ولاعمره يتعكر
وجديد في حلاوته
شهد مكرر
وفرح الدنيا كله
اكتر مابيسعدني
علي غيابك بيبكيني
مجرد مأفكر
يا خدني ليكي حنيني
وحشتيني وحشتيني
بكتب لك والله بدموعي
والشوق نار بتكوي
في ضلوعي
مش بأيدينا الفراق
ده حكم القدر والموت
علينا حق
وان عصاني القلب
للحق بعلن خضوعي
و يارب إهديني إهديني
وحشتيني وحشتيني

admin

See author's posts