” إذن الشــوق ” الشاعر : محمد هيكل _ مصر

لأ ماتحاوليــش ….. تنسينـي
أنا عشقــي إليـكي بوليــــسي
ع الباب …. وقفـــالك عينــي
على ســـور البيت أحاسيسي

جـــواباتك لســـه ف درجــي
بصماتك ………. ع الكراسه
أنا حاطط شوقي ناضورجي
و حناني .. عليكى .. حراسه

فا ان غبتـى ثوانـــــي عليــا
انـا و الشـــــــــوق متفقيـــن
على أى طريــــــــــق حنيّــه
ننصـب …. لهـواكــى كميــن

و هكلبش روحـك فيـا
100مليــــون سنـه قـــــدام
واعمــلك ألـف قضيـه
علشــــان .. حارمانـي أنـــام
واخدك من إيدك ديـّـا
على أقـــرب سجـن غـــــرام

وحياة ربنـــــــــا ما هسيبـك
يا أرق مـــــــلاك ….. جـوايا
لو روحتى لفيـن راح اجيبك
و اعمل ل عنيـــــكي جنــايه

التهمـه عليـكي .. أهي ثابتـه
ياللاه اتفضلي …… قــدامي
لا هيشفـع ….. ليها مرافعــه
ولا ينفــع …… فيها محـامي

قلبـك متحـاصر …. حاسـبي
رمشــك ف الحب … مُـــدان
و ان مــره حاولتـى تقــاومي
أنا هعشـــق ….. ف المليــان

أنا ماشــي معـــاكي قانــوني
سلّمي نفسـك ……. بهـــدوء
سلّمـي قلبـك …… أحسنـلك
أنا جـايب …… إذن الشــوق

admin

See author's posts