ثقافة

” شجرة أحلامي ” للشاعرة : سلوى سعد _ مصر

ارشيف

..شجرة أحلامي..
وإتعشمت ف غفوة عين
ينزل حلم الشوق ويعدي
يكحل جفني
يركن
بين الرمش
وبين الرمش
أجري أفصل من أيامي
شريطة أطول بيها شعري شويه
يضحك سني
حبه بحبه
ألقى ورود الخد تفتح
والخطوة تدب بحنية
لما أهدي قصاد شباكه
المح نظرة تاخدني بفرحة للتوب الأبيض والطرحة
أتكعبل وأتدارى أوام
وهناك على شجرة أحلامي تتبسم رسمة قلبين
فوق الغصن التالت زقزق عصفور مره
لمح الرسمه والحرفين
وأما يخش الليل يتهادى ألقى نجومه تنور قلبي وأنت واقف لي تحت البيت
لكن الحلم يا ناس معاندني مهما أتعشم فيه وأتمنى عمره ف مرة ما جالي ف ليل