” جد الجد ” للشاعرة : اميره البنا _ مصر

جد الجد وكل الجد
اعمل ويا الدنيا دي حد

لما الدنيا تبقي تقيله
قافله في وشك اوي ورزيله
ماشيه معاك بالزور وثقيله
ولا فيش بينها وبينك ود
اوعي تشكي منها لحد
خلي تكالك علي الجبار
فاتح بابه لايها حد
عالم حالك كل اسرارك
وهيبعت لك منه المد

جد الجد وكل الجد
اعمل ويا الدنيا دي حد

عيشها بجد وعيشها هزار
واضحك لما تزيدها مرار
خليك هادي و باستمرار
مهما ان شفت صد ورد
اوعي تشكي منها لحد
خلي تكالك ع الجبار
فاتح بابه لايها حد
عالم حالك وكل اسرارك
وهيبعت لك منه المد

جد الجد وكل الجد
اعمل ويا الدنيا دي حد

دنيا مهما تدي بخيله
و الناس فيها قليله الحيله
او تعبانه همومها كتيره
او ما لهاش في مساعده حد
اوعي تشكي منها لحد
خلي تكالك ع الجبار
فاتح بابه لايها حد
عالم حالك كل اسرارك
وهيبعت لك منه المد

جد الجد وكل الجد
اعمل ويا الدنيا دي حد

ديما وشك يبقي بشوش
ولما الحظ يعاند اضحك
واوعي تقول انا عمري فشوش
ربك حكمه يضاعف أجرك
رزقك جي ما هتسبهوش
ارضي بحالك سلم امرك
ولا تشتكي م الظلم لحد
خلي تكالك ع الجبار
فاتح بابه لايها حد
عالم حالك كل اسرارك
وهيبعت لك منه المد

جد الجد وكل الجد
اعمل ويا الدنيا دي حد

admin

See author's posts