” وصل سلامي ” للشاعرة : سميرة محمودى _ مصر

وصل سلامي ياهوى من غير أسامي
ركز معايا يااهوى وافهم كلامي

نظرة عيونه ابتسامة احلى ابتسامة
من بحرشوقي بتاخدني لبر السلامة
بص ف عيونه تلاقيها ميزةوعلامة
خليك حنين ياهوى واوصف غرامي

مشتاقة اسهرالاغي حبه وحنانه
واحلم بطيفه يقابلني واعشق جنانه
يخطف لي قلبي ويداري ما اعرف مكانه
ابعت رسايل في الهوى ويزيد هيامي
ركز معايا ياهوى وافهم كلامي

محتارة وحدي ووحدي الشوق رماني
اشكي لدموعي ودموعي تشكي لزماني
يوحشني صوته وصوته غنوة في وداني
اسمعها تبقالي الدوا وتطيب الامي
ركز معايا ياهوى وافهم كلامي

لو كان حبيبي ناسيني مين هيواسيني
راحو الحبايب ياعيني ياليل يا عيني
هو اللي باقي لحياتي عمري وسنيني
ليلي ونهاري يا هوى بطل ملامي
ركز معايا يا هوى وافهم كلااااامي

admin

See author's posts