على حميدة…قصة وعبرة

كتبت : سحر جلال
حلمه كان الغناء جاء من مرسي مطروح الى القاهرة وفضل نايم على الرصيف لمدة 6 شهور عاش حياة التشرد بكل معانيها…بعد كده قدر يحقق حلمه وتم اعتماده مطرب في الإذاعة ودخل معهد الموسيقي واتخرج واصبح معيد…
فى الثمانيات نزل اول البوم له بعنوان لولاكى…الالبوم ده حقق ثالث اكبر مبيعات لمطرب على مستوى العالم..
هناك اقاويل انه باع 80 مليون شريط على مستوى الوطن العربي وتغير الحال تمام بالنسبة لعلى حميدة..
الرصيف اللى كان بينام عليه اشترى شقتين فى نفس العمارة تمن الشقة 5 مليون جنيه…اصبح بيته لا يفرغ من المطربين والملحنين…واصبح كل الوسط الفني أصدقائه…
واصبح هو المطرب الاول لاى فرح فى فندق…
وتوالى النجاح…شريط كونى لى حقق هو الاخر نجاح كبير
ودخل السينما ومثل فيلم اسمه لولاكى وفيلم اخر اسمه مولد نجم..فى عز النجومية والرفاهية….تطلب منه مصلحة الضرائب مبلغ 15 مليون جنيه قيمة أرباحه…ويا اما الدفع يا الحبس..اضطر يبيع شققه وباع فيلا فى الساحل الشمالى حتى ارض اسرته فى مطروح باعها..
وباع سيارته…واللى فضل معاه اشترى سيارة صغيرة وبقا ينام فيها فى الشارع…تخيل ان مفيش حد من الوسط الفني بقا يسال عنه لانه وسط ملئ بالنفاق يجرون وراء الناجح ويلفظون الفاشل…حاول يشوف حد من أصدقائه الفنانيين يقف جنبه الكل اغلق السماعة فى وجهه…الوحيد اللى كان بيطمئن عليه حميد الشاعرى ولطيفة…حاول يقف على رجله…
كان رجال حبيب العدلى خلفه…تم تلفيق قضية تحرش له…
لان هناك من وشي لنظام مبارك انه على علاقة وطيدة بمعمر القذافى…ودخل السجن وتعرض لجميع انواع المهانة…
بعد الشهرة والفلوس والمعجبين…خرج محطم خاوى اليدين
عاد الى الشارع وحتى الشارع…لم يتحمله…
حتى فى مرضه وضعفه لم يسال عليه احد…
على حميدة بيمثل لنا حلم جيل باكمله…عاش مع اغانيه وكان يعشقه فى رحلة الفن البسيطة…
على حميدة هو تمثيل حى لتلك الحياة…الناس اللى معاها مال وشهرة…انظر لتقلب الزمن واعلم ان كل من حولك سيتخلون عنك بمجرد وقوعك وقد يدسون فوقك بالأحذية ليرتفعوا نحو شخص اخر …
على حميدة جمهوره هو إللى بيحبه ويدعوا له بالرحمة بالرغم انهم لم يروه او يعاشروه ولكن الناس تشعر بكل انسان مضهد او مظلوم…
انها الحياة بكل ما فيها
لن تدوم شهرة ولا مال ولا قوة…
فقط ذكرى جميلة او ذكرى سيئة

اللهم إرحمه و إغفر له و ارزقه الجنة بغير حساب ولا سابقة عذاب برحمتك يا أرحم الراحمين

admin

See author's posts