” الفيس وسنينه ” للشاعرة : راوية حسن _ مصر

الفيس ده أصله حكايه
والكل عاملها روايه
فى منهم اللى بيغش
ويطلع لك بغير وش
ومنهم صادق وأمين
تسمعله تقوله امين
الفيس ده عالم تانى
من كبره بقول اه ياتى
ياما ناس فيه بتضيع
وكمان فيه ناس للبيع
وناس تقول ده فظيع
هو احنا بقينا قطيع
الفيس ده كله حكيات
وبننشر فيه روايات
اشعار وكمان غنوات
لوعندك شئ قوم هات
الفيس ده بحره غريق
لو تغرق موش هاتطيق
وتدور على الف طريق
وتقول دا اناكنت فى ضيق
احزر من الفيس والناس
وتعيش بميزان حساس
حاسب على نفسك تنداس
وتقول ده شئ ماله اساس
الفيس أيامه وسنينه
احنا ماكناش عارفينه
ده بقوا كتير محبينه
اللى يغرق فيه الله يعينه

admin

See author's posts