” لما يجي يوم ” للشاعرة : أميرة البنا _ مصر

لما يجي يوم وفاتي
طبعا اكيد اليوم ده اتي
اوعوا تبكوا فيه عليا
وتشغلوا القرآن ليلاتي

ما تعملوش صوان تعازي
وتتكلموا عني بانين
دا ما فيش شىئ يوازي
ضحكه واحنا طيبين
كلمه صافيه م القلوب
وصل دايم بالحنين

ما تجبوش لقبري ورد
ولا تلبسوش اسود حزين
ما لوش لازمه عذابكم
ما تشغلوش ابدا في بالكم
ما تتعبوش خالص خاطركم
خليكو ديما مرتحين
اصل انتو كنتو ديما
بالنسبه لي ميتين

واكيد هلاقي غيركم
ناس تانيه مختلفين
روحها تشبه لروحي
حتى واحنا ميتين
الأجساد هتفني طبعا
و يفضلوا الارواح عايشين
و الفرق هيبقى واضح
الوحش م الطيبين

admin

See author's posts