ثقافة

” تعالي اقولك ” للشاعرة : اميره البنا _ مصر

ارشيف

تعالي اقولك
تقولي واقولك
تعيد لي
وازيد لك
وناخد وندي
لبعض الأمان
لما ازعل تهدي
واقرب بودي
تزول الالام
وتقعد معايا
تسمع غنايا
ده صوت نبض قلبي
بيقولك سلام
تعالي في حضي
اضمك تخدني
لواحه غرام
نغنى ونسمع نبض في عروقنا
اخر انسجام
ما تيجي نقرب ونجرب
بخيالنا نطير
افتح جنحات الشوق عندي
ونقول موواويل
وتفتح اغصان قلبك ليا
من غير تفكير
تقولي بحبك يا حياتي
و ماتقولش كتير
هسمعها بقلبي وبعنيا
وبروحي هقول
وحياه الشوق اللي في قلبي
ههواك على طول