ثقافة

” حياة وحياة ” للأديبة : إيفى نور الدين _ مصر

ايفى

سألونى كتير عن حياتى
ماشية معاكى
والا معاندة زى كتير غيرى
قلت انا واحدة زى ناسى
فرحة جاية دمعة جارية
قلوب تقرب وقلوب مفارقة
و سألونى عن الحياة فى عينى
كلام كتير يتقال من حنينى
حلوة يمكن فيها شئ من سنينى
أيام بتمر تأخدك فوق السحاب
طاير فى فرح وهنا بلا عذاب
ويوم يمر سنين محتاجة عتاب
وتعود مرة تانية نرسم الاحلام
هى الدنيا كدة مابين سعادة والام
ولو تحسبها حتلاقي الفرح كتير
حتى لو مرت عليك ايام بالمر
استنى بكرة الحلو يمر
وتكون معاه وتنسى اللى مر
عايشة فى الدنيا ومش عايشة
افكار كتير فى دماغى ماشية
وبس الحقيقة انا راضية
مرها حلوها طالت قصرت حلوة