28 مارس، 2024

” السنادى ” للشاعرة : إيمان مصطفي _ مصر

إيمان

ايمان

قلبي متعشم بنادي
ربنا يقبل دعانا
يشفي كل مريض ويكرم
كل قلب انصاب بجرح
يوعد المشتاق بفرح
تضحك الدنيا ف عنينا
يمحي حزن عاش مالينا
نظره
يارب ترضينا
السنادي
الأمل شيفاه قصادي
بيلاغيني
شافيه دمعة حزينه بتقول
طمنيني
عشميني بفجر جاي
يبدر القلوب سعادة
تشرق الشمس في سماي
تحي في قلوبنا العبادة
نكتب الاشعار في ورد
تبقي كل أوقاتنا فرض
بالدعاء
الخير يعم
يستجيب من كل أم
يرجع الاحساس يضم
كل احبابنا اللي بعدوا
بالتباعد
يستقر مؤشر القلب
اللي صاعد
عام كرونا
اسجدوا للمولي
…….وادعوا
ادعمونا
لجل تبقي سنتنا خضرة
والقلق ينزاح بقدرة
اللي جابه
يرجع القلب ل شبابه
ينصب الافراح يجمع
كل أحبابه وصحابه
السنادي
حلمي متفائل بنادي
ربنا قال ياعبادي
متخفوش
رحمتي سبقت عذابي
ارجعوا….. ومتبعدوش
الفرج بقي ع البيان
والحلول تكة وتبان
ب اليقين ويا الايمان
كله هيعدي السنادي