21 فبراير، 2024

“بعدي زغيره عالهوى” للشاعرة : رنا محمود _ سوريا

رنا

رنا

بعدي زغيره عالهوى
ريشات لسا قصار
بدن من النسمه جنح
تيوصلوا الأزهار
تا اسرق اللحظات من نهر الزمن
قلو على اللي صار

هوي الخجل
ولاالوجل
ولا غنج ..
شكلي ببعضي ملبكه
تمنيت شو تمنيت
اني خبرو
ونسيت فارقني الحكي
لما القلب
شاف الدرب
خلصت ع باب الدار
….
شو كنت بدي قول
عن ليل كان يطول
عن زهرة الأشواق
عن سر عطرو ال صار
خيطان ع تيابي
عم تشتكي
لاتستحي
وقومي تا تحكي حكايتك
تا يحرز المشوار

صار العمر كلو صدى
يضبضب جناحو ويهتدي
تا يخبر المحبوب
لسا بيعشقو
قلبي يا دلي شو خفق
شو دقتو بتحكي
شو مخبيه أسرار.!!!