22 فبراير، 2024

“بناقص م العزاز واحد” للشاعرة : هالة عصفور _ مصر

هالة

هالة

بناقص م العزاز واحد
يكون جاحد
ويتلون بسبعين لون
بناقص من ضلوعى ضلع
يتكسر ويإلمني
بناقص من شجرتى فرع
يتوارى مع الايام
يزوّد شيله الأحزان
يمد لبرا زى القرع
ويتلون ويتحايل
ويسند حجه الجاهل
ويجى عليا ويا الغرب
وأنام وأصحى بدمع العين
وجع ف القلب
بناقص حته من قلبى
أشيلها بره أحلامي
بناقص وقفتك جنبى
وانا محتاجة ضلايه
بناقص جرح جوا العمر
قسا بيموت الاحساس
فتتساوى بجميع الناس
ويتساوى البعاد بالقرب